<食勻將軍澳。米芝蓮推介-"靠得住粥麵小館">
突然想去食粥麵舖，就想起將軍澳新開左間米芝蓮推介既粥麵舖叫靠得住！我自己就未試過，平時都係去食"正斗"，但聽朋友講就話靠得住都幾好食，咁我就去試下啦！
平時聽講都有人排隊，但今次好好彩，等左一等就有位！一坐低當然有壺茶飲下，色水似普洱茶，但一飲落去原來係 #蘋果茶 黎㗎！跟住就叫野食，叫左 #混醬腸粉，#干炒牛河 同埋 #豬軟骨撈麵！
#混醬腸粉 真係好好味，d甜醬同花生醬混埋一齊又無搶對方個味，而且有辣醬0係旁邊，食唔食得辣都0岩食，條腸粉又彈牙食完又唔覺得太油，而且價錢唔貴，最後搞到要叫多一碟先夠😋
#豬軟骨撈麵 都唔錯，咬落d麵幾彈牙，豬軟骨都幾易入口！
#干炒牛河 就正常水準，味道ok，唔會落得太多豉油而太咸！
整體黎講，食物味道ok，但係得混醬腸粉既味道令我有深刻既回憶！真係得閒外賣返屋企食都好！😁
另外兩樣就不太深刻正常水準，當然仲有好多其他食物我未試！所以我都會推介未試過"靠得住"既朋友去試下睇下靠唔靠得住啦😄
靠得住粥麵小館
將軍澳新都城一期
#混漲_點解混醬腸粉咁好食
#甜醬花生醬辣醬
#清新蘋果茶
#將軍澳新都城
By: MR.TEA
Search